🎃Halloween🎃 - CP Cáseda - Ikasnova

Pasa den ostegunean, urriaren 30ean, Casedako ikastetxeak Halloween festa ospatu zuen, aurten magia eta mitologiaren harira, ikastetxea Hogwarts-eko gaztelua bihurtu zen. Gaztelu horretan oinarrizko hiru froga ezkutatzen ziren mago izateko hautagai berriek titulua merezi duten ala ez erabakitzeko.

Goiz hartan Hogwarts-era sartzean ikasleak jangela handira joan ziren, eta han txapel hautatzaileak mago bakoitza etxe batean sailkatu zuen.

Behin etxean sartuta, ikasleek lehen proba egin zuten: etxeko banderaren puzzle bat deszifratu eta beren jantziak, kapa eta gorbata egin zituzten. Bigarren proban, berriz, honako errezeta hau egin behar zen: Zume negartia, gominola sugeak, katu sandwichak eta erratz hegalariak.

Bigarren proba amaitu ondoren, ikasle guztiak jangela handira joan ziren, beraiek prestatutako jaki goxoez gozatzera.

Indarrak hartu zituztenean kiroldegirantz abiatu ziren, eta han jokatu zen quidditch partida. Gazteluko lau etxeen arteko partida oso entretenigarria izan zen, eta dibertsioa, errespetua eta adiskidetasuna izan ziren irabazleak.

Ikusi nahi al duzu?